Ahal welaýatynyň ýüpekçileri kümüşsöw gymmatlyk bolan ýokary görnüşli çig piläniň 155 tonnadan gowragyny taýýarladylar. Bu barada 2025-nji ýylyň netijeleri boýunça «Türkmenistan» gazetinde çap edilen makalada bellenilýär.
Ahal welaýatynyň daýhan birleşikleriniň maldarlary ene dowarlardan owlak-guzynyň 77 müň 756-syny, sarwanlar bolsa düýelerden köşegiň 2 müň 391-sini almak bilen, kesgitlenen iş meýilnamalaryny, degişlilikde, 101 we 101,7 göterim ýerine ýetirdiler.
Welaýatyň ak ekin ussatlary 195 müň gektar ýerden ýokary hilli guşgursak ak bugdaýyň 412 müň 200 tonnadan gowragyny alyp, bu babatdaky meýilnamalaryna 103 göterimden geçirip amal etdiler. Bu ugurdaky zähmet üstünliginde etrabyň Gökdepe, Sarahs, Ak bugdaý etraplarynyň gallaçylarynyň goşandy saldamly boldy.
Welaýatyň jemgyýetçilik guramalary tarapyndan möwsümleýin oba hojalyk çäreleriniň öňdebaryjylary höweslendirildi. Oba zähmetkeşleriniň arasynda ýokary guramaçylyk derejesinde geçirilen medeni-dynç alyş dabaralary we höweslendiriş çäreleri welaýatyň gallaçylaryny hem zähmet üstünligine ruhlandyrdy.
çeşme
